好多香港人都覺得鳳梨酥冇咩好揀，咪就係鳳梨酥囉。但去過台灣買手信嘅人都知，款式多到揀到頭都大，價錢可以由幾十蚊到幾百蚊台幣，包裝、口感同味道都唔一樣。呢篇文章會先教你分辨 3 種鳳梨酥嘅差別，再整理 2026 年人氣台灣鳳梨酥推薦，唔洗再怕買錯！

 

有人話微熱山丘最好食，有人只買佳德，亦有人食過土鳳梨酥之後，先知道原來鳳梨酥唔一定得甜味。台灣鳳梨酥主要分為冬瓜餡、土鳳梨餡同混合款三大類，一齊睇下有咩唔一樣。

 

買台灣鳳梨酥要識呢個分別

冬瓜餡鳳梨酥：甜、滑、唔酸，老少咸宜

冬瓜餡係最傳統嘅台灣鳳梨酥做法。早年鳳梨成本較高，而且直接熬成果醬會偏酸，所以糕餅師傅多數會以冬瓜醬作為主要內餡，再加入少量鳳梨醬調出又滑又甜嘅口感，同時保留「鳳梨（旺來）」象徵好運、興旺嘅吉祥寓意。食落比較甜，餅皮會帶一啲奶香，配上一杯熱茶或咖啡都幾正，適合送俾鐘意甜味，或者怕酸既人。

冬瓜餡係最傳統嘅台灣鳳梨酥做法，食落比較甜，餅皮會帶一啲奶香，配上一杯熱茶或咖啡都幾正。

(圖片來源)  

 

土鳳梨餡鳳梨酥：酸甜、食得出真鳳梨

近年愈來愈受歡迎嘅土鳳梨酥，最大特色就係直接使用台灣本土鳳梨慢火熬煮成果餡，唔加冬瓜，除咗保留果肉，咬落去會食到一絲絲鳳梨纖維，酸酸甜甜既水果香氣亦更加突出。

 

相比冬瓜餡，土鳳梨酥甜度較低，味道接近新鮮鳳梨，成為近年不少旅客指定購買嘅款式。如果你食過傳統冬瓜款覺得太甜，或者想買有台灣特色嘅手信，土鳳梨款會最啱你。

土鳳梨酥直接使用台灣本土鳳梨慢火熬煮成果餡，唔加冬瓜，咬落去會食到一絲絲鳳梨纖維，酸酸甜甜既水果香氣亦更加突出。

(圖片來源)  

 

混合款：兩者之間，唔想揀錯的安全選擇

顧名思義就係結合冬瓜餡同土鳳梨餡兩種做法。保留冬瓜餡細滑順口嘅口感，同時加入鳳梨果香同少量果肉，甜度同酸度都比較平衡。對第一次買台灣鳳梨酥嘅香港人黎講，混合款係一個幾穩陣嘅選擇，比較容易迎合大部分人口味。

 

款式甜度酸度口感鳳梨香氣適合對象
冬瓜餡高低細滑淡長輩、鍾意傳統味、怕酸
土鳳梨餡中明顯有果肉纖維濃鍾意真鳳梨味、覺得傳統款太甜
混合款中(溫和)輕微介乎兩者中第一次買、唔知對方口味、送禮求穩

 

2026 台灣鳳梨酥推薦

微熱山丘鳳梨酥（SunnyHills）

微熱山丘係香港人最熟悉嘅台灣土鳳梨酥，長期與台灣在地鳳梨農合作。「除咗台灣，香港、日本、新加坡都有門市，知名度相當高。微熱山丘堅持使用台灣土鳳梨熬煮成果餡，不加入冬瓜餡，內餡可以吃到明顯果肉。外皮採用天然奶油及土雞蛋製作，餅皮較薄，入口帶有濃郁奶香，與酸甜內餡形成平衡，屬於很有代表性的台灣土鳳梨酥。

 

最特別係南投既始創店，入到去會請你坐低，免費試一件鳳梨酥配一杯台灣茶先，邊試邊買，亦係好多人會打卡嘅原因之一。

 

價格：NT$ 550（10 入）

常溫保存：45 天

微熱山丘係香港人最熟悉嘅台灣土鳳梨酥，知名度相當高。

(圖片來源)  

 

佳德鳳梨酥（Chia Te）

佳德餅店創立於 1975 年，多年來曾獲得台北市鳳梨酥文化節等評比獎項，亦係好多台灣人自己送禮會揀嘅「本地人之選」。位置鄰近台北市區，幾乎已成為香港人到台北必買手信。

 

佳德以冬瓜醬搭配鳳梨醬製成內餡，甜味濃郁、口感細滑，保留許多人記憶中的經典台灣味。除了原味鳳梨酥，品牌亦推出蔓越莓、蛋黃酥、牛軋餅等人氣商品，很適合一次購買多款伴手禮。佳德全台只此一間，喺台北南京東路五段，冇任何分店、亦冇喺機場設櫃，假日好多人排隊，建議平日排定行程買手信先！

 

價格：NT$ 456（12 入）

常溫保存：40 天

佳德餅店創立於 1975 年，多年來曾獲得台北市鳳梨酥文化節等評比獎項，亦係好多台灣人自己送禮會揀嘅「本地人之選」。

(圖片來源) 

 

陽光菓菓（Sunnygogo）

陽光菓菓用台南關廟既金鑽鳳梨熬煮，再加入自家鳳梨乾，係市面少見有果乾口感嘅鳳梨酥。咬落去除咗鳳梨香，仲有細細嘅果乾嚼感，層次比一般鳳梨酥多，唔係純粹得個甜字，鍾意天然原味、又想試啲冇咁大路嘅鳳梨酥嘅人，一定會鐘意呢款。

 

價格：$NT$ 420（18 入）

常溫保存：365 天

陽光菓菓用台南關廟既金鑽鳳梨熬煮，再加入自家鳳梨乾，係市面少見有果乾口感嘅鳳梨酥。

(圖片來源)  

 

來好小鳳梨酥

來好小鳳梨酥係來好台灣選物嘅自有品牌，台灣設計製造。喺一眾老字號中間，來好行嘅係混合款路線，結合冬瓜餡嘅細滑同土鳳梨嘅果香，甜度溫和、酸味輕微，最特別係細粒、一口一顆設計，餅皮香酥，內餡甜中帶輕微鳳梨香，份量剛好唔會太飽，係辦公室分送同事、或者一大班朋友逐人派一件最啱嘅尺寸。

 

價格：NT$ 130（6 入）

常溫保存：180 天

來好小鳳梨酥係來好台灣選物嘅自有品牌，結合冬瓜餡嘅細滑同土鳳梨嘅果香，甜度溫和、酸味輕微。

 

鳳梨酥常見問題Q&A

1. 鳳梨酥裡面一定有鳳梨嗎？

唔一定。傳統冬瓜餡其實以冬瓜醬做主、再加鳳梨醬調味，鳳梨比例唔高；土鳳梨款先係用真鳳梨直接熬，食得出果肉同酸味。所以買之前睇清楚係邊種餡，想食真鳳梨味就認明包裝上「土鳳梨」或者「金鑽鳳梨」嘅字眼，唔好淨係睇個名有「鳳梨」就入手。

 

2. 鳳梨酥可以帶出國嗎？

由於鳳梨酥屬於烘焙食品，內餡經過高溫製作，不含新鮮水果，因此包括香港在內，多數地區都可以攜帶入境，亦可以放入手提行李或寄艙行李。

 

3. 鳳梨酥需要冷藏嗎？

大部分品牌建議放置於陰涼乾爽地方，避免陽光直射即可。冷藏反而可能令餅皮變硬，影響口感。開封後建議盡快食用，保持最佳風味。如果天氣較炎熱，或者家中環境濕度較高，可以放入密封盒保存，避免受潮。

 

4. 為什麼鳳梨酥會變成台灣代表伴手禮？

因為意頭好，又啱攜帶。喺台語入面，「鳳梨」發音接近「旺來」（ōng-lâi），帶有好運、興旺嘅吉祥寓意；加上鳳梨本身係台灣重要嘅農產品，產量大，經過糕餅師傅一路改良，鳳梨酥變成適合保存、方便攜帶又耐放嘅點心，慢慢就成為送禮自用兩相宜嘅台灣代表手信。

 

下次去台灣，唔使再跟住人排隊先買。先了解唔同內餡特色，再按照自己嘅喜好挑選。如果想行少幾步，可以去來好行吓，永康街同西門都有門市，一次過買齊文創小物同鳳梨酥！