香港人去台灣旅遊，到底有咩值得特登去？九份山城夜景、日月潭湖光山色、大稻埕百年老街……6 個令香港人驚喜的景點，再整理 3 天 2 夜快閃行程懶人包，出發前睇一次，行程更順暢。
香港人去旅行，好多人第一時間都會諗台灣，性價比極高，由香港飛過去只需大約 1.5 小時，落機已經可以食夜市、睇風景、慢慢行街。 今次整理咗 6 個香港人特別有共鳴嘅台灣景點，再加埋 3 天 2 夜快閃行程，新手都可以直接照住玩。
點解香港人咁鍾意去台灣旅遊？
1. 人情味濃厚
香港生活節奏快，朝早趕返工、夜晚趕返屋企，搭地鐵時大家多數戴住耳機低頭睇手機，人與人之間總有種距離感。但係台灣，問路時，店員可能會直接帶你行去目的地；去早餐店買蛋餅，阿姨會記得你加唔加辣；住民宿時，老闆仲可能主動介紹在地人先知嘅小店。無論咩狀況，都會遇到真y誠又熱情既台灣人。
2. 消費低
港幣兌台幣長期維持在 1:4 以上，喺香港，一杯手搖飲可能已經接近一個飯盒價；但喺台灣，可能買完飲品仲有餘錢再加份鹽酥雞，由早餐到宵夜，都容易令人忍唔住一路食一路買。
3. 距離近
香港飛台北大約只需 2 小時左右，快過好多日本、韓國航線。星期五放工直衝機場，夜晚已經可以喺台北夜市食蚵仔煎；星期日晚返香港，第二日照常返工都仲得。對好多香港人嚟講，台灣係一個「隨時可以出走兩三日」嘅地方，非常適合 Long Weekend 快閃旅行。
4. 語言相通
台灣使用繁體中文，餐牌、路牌、捷運資訊大部分都睇得明，連點餐都輕鬆好多。唔使不停開翻譯 App，旅行節奏自然舒服。就算廣東話同國語口音唔同，大部分台灣人都會耐心聽你講完，冇語言壓力，人都玩得自在啲。
6 個香港人必去的台灣旅遊景點地圖
九份老街（Jiufen Old Street）
九份老街幾乎係香港人第一次去台灣必到景點。成個山城建喺山坡上，小巷窄窄地，兩旁掛滿紅燈籠，落雨時石階反光，畫面好似動畫場景。好多香港人第一次去，都會有種「原來台灣真係同電影入面一樣」嘅感覺。
黃昏前 4 至 5 時上山是最好的時間點。趁人群未完全湧入之前，先在阿妹茶樓搵個面海的窗邊位置，點一壺茶，等燈籠逐一亮起，氣氛同白天完全唔同。如果想避開人潮，可以去祈堂老街。相比九份主街，祈堂老街安靜好多，仲保留舊礦山聚落感。石階、舊屋、鐵窗、斑駁牆身，時間停留咗喺幾十年前咁。慢慢行時，會聽到風吹聲同遠處海聲，反而更有九份本來的味道。
(圖片來源)
從台北出發，可以搭捷運至忠孝復興站（板南線），再轉乘 1062 號公車直達九份，車程約 1 小時。或者搭火車至瑞芳站，再轉乘小巴上山，車程約 15 分鐘。建議平日前往，假日人潮極多，上山路段塞車情況嚴重。
相關文章：【九份交通攻略】公車、包車、自駕安排建議｜玩得好也要玩得巧
台北夜市（Taipei Night Markets）
去台灣旅行，好多人晚晚都會去夜市掃街。對香港人嚟講，台灣夜市最吸引唔單止係「多野食」，而係個種熱鬧得嚟又舒服嘅氣氛。而士林夜市同饒河街觀光夜市係最多香港人會去嘅兩個夜市，氣氛同美食類型完全唔同。
• 士林夜市
規模比較大，由炸雞排、蚵仔煎、珍珠奶茶，到花生捲冰淇淋、大腸包小腸，幾乎由街頭食到街尾都仲有新嘢。第一次去嘅人，好容易會變成「見到咩都想試少少」。尤其大腸包小腸，其實係用糯米腸包住台式香腸，再加蒜片、酸菜同醬汁，一口咬落去有煙燻香味。
(圖片來源)
• 饒河夜市
比較集中，成條街由頭行到尾唔會太攰，非常適合快閃。最出名係胡椒餅，未行入去已經聞到炭爐香味。個餅外層烤到脆脆地，入面包住大量蔥同肉汁，熱辣辣咬開時會爆汁，好多人排完一次隊，行返轉頭又再買。
永康街（Yongkang Street)
香港近年愈來愈多舊街消失，小店被連鎖店取代，行街有時會有種「每個商場都差唔多」嘅感覺。但永康街仲保留到一種好舒服嘅舊區感，可以慢慢散步。轉角可能係獨立書店，隔離係老宅改建咖啡店，再行幾步又會見到文創選物店、甜品店同台灣設計品牌。成條街唔會太吵，節奏好舒服，好適合香港人旅行時想暫時逃離壓迫感。
相關文章：英國Times Out評「台灣永康街－全球最酷街道之一」｜台灣旅遊情報
好多香港人特別鍾意喺永康街 hea 半日。朝早飲咖啡，再行去選物店，夜晚再去附近食牛肉麵或者芒果冰。唔需要特別趕行程，但會有種「今日過得幾舒服」嘅感覺。其中唔少旅客都會行入來好睇台灣手信。店入面有好多充滿台灣風格嘅選物，例如台灣味零食、復古設計小物、台灣圖案雜貨、明信片同特色伴手禮。
(圖片來源)
日月潭（Sun Moon Lake）
因為香港有海景、有高樓、有山，但幾乎冇大型內陸湖泊。平時見慣維港、碼頭同城市天際線，突然見到成片平靜湖面被群山包圍，感覺會非常新鮮。清晨薄霧未散的時候，湖面有種難以形容的平靜感，同香港「去旅行都仲好趕」嘅節奏完全唔同。
白天可以租單車沿湖騎行，潭邊有完整的環湖單車道，全程約 30 公里，可以按自己節奏停停走走，中途在水社或伊達邵碼頭休息吃飯。如果唔想踩單車，搭遊湖船在湖面上感受四周山景，同樣值得。另外，日月潭纜車（Sun Moon Lake Ropeway）可上到水社大山，天氣好的時候俯瞰全湖，視野極佳。
(圖片來源)
從台北出發，可搭高鐵至台中站，再轉乘台灣好行日月潭線巴士直達，車程合計約 2.5 至 3 小時。巴士班次穩定，唔需要租車都可以輕鬆到達。如果有安排台中行程，順道去日月潭係最方便的組合。
相關文章：10個必去的日月潭景點，二天一夜規劃看這邊就對了！
大稻埕（Dadaocheng）
大稻埕係台北少數仲保留濃厚舊城氣氛嘅地方，兩旁街屋保留了閩南式與巴洛克混合的建築風格，在現代台北城市裡顯得格外突出。街上有好多賣花生、魷魚乾、茶葉、中藥材同古早味零食嘅老店。農曆年前特別熱鬧，成條街都充滿辦年貨氣氛。好多香港人行到一半，都會忍唔住開始買牛軋糖、鳳梨酥同台灣茶做手信。
(圖片來源)
另外，去到大稻埕一定要去一轉霞海城隍廟。規模不大，卻是台北香火最旺的廟宇之一，廟內供奉的月老（月下老人）以求姻緣靈驗聞名，不少人專程來拜。即使唔求姻緣，入去感受一下廟內的氣氛都唔錯。
近年大稻埕仲多咗好多老宅改建咖啡廳，外觀保留舊建築立面，內裡重新設計，新舊並存的質感正是大稻埕吸引人的地方，有人坐喺木窗旁邊睇書，有人慢慢飲手沖咖啡，氣氛舒服。
搭捷運至北門站（松山新店線）或大橋頭站（淡水信義線），步行約 5 至 10 分鐘即可到達迪化街入口。兩個站都係可行選擇，視乎你從哪個方向過去。
相關文章：台北必逛的年貨大街—百年傳統老店的集中地迪化街｜必買、美食、交通
花蓮太魯閣（Taroko Gorge, Hualien）
太魯閣係台灣自然景觀裡衝擊感最強的地方。大理石峽谷、清水斷崖、立霧溪貫穿其中，規模之大、地形之原始，對習慣城市生活的香港人嚟講，個種震撼係照片完全傳達不了的。
峽谷區有幾條適合一般旅客的步道：
• 燕子口步道（Yanzikou Trail）：沿峽谷壁行走，近距離感受大理石石壁同湍急溪水的對比，部分路段需戴安全帽
• 九曲洞步道（Jiuqudong Trail）：峽谷最窄處，抬頭只見一線天，視覺衝擊極強
• 砂卡礑步道（Shakadang Trail）：沿溪而行，溪水清澈見底，顏色因礦物質呈現獨特的藍綠色
離開峽谷區，沿蘇花公路行駛途中可見清水斷崖（Qingshui Cliff）——斷崖直落太平洋，斷面高達逾千米，氣勢係台灣公路景觀裡數一數二的。
不過花蓮唔建議快閃。由台北過去車程已經唔短，而太魯閣周邊仲有好多景點值得慢慢玩，例如七星潭、清水斷崖、海岸公路同山區步道。假如時間許可，最好預留 5 日左右，先真正感受到花蓮個種慢節奏。
(圖片來源)
台灣旅遊三天兩夜快閃行程懶人包
Day 1：落機直衝台北，感受城市節奏
由香港飛台北大約 1.5 小時，時間唔算長，搭早機的話，中午前後已經可以開始行程。建議住喺西門町、台北車站或者中山區附近，交通方便。
Day 2：九份山城 + 大稻埕老城一日
朝早先去大稻埕。由迪化街開始行，睇南北貨店、中藥行、老宅咖啡廳，再順路去霞海城隍廟感受台灣廟宇文化。大稻埕最適合慢慢散步，翻開台北舊時代生活。
下午再出發去九份。建議黃昏前到達，因為九份最靚時間就係天開始變暗、燈籠亮起嗰段時間，可以一路行老街，一路食芋圓、魚丸湯同草仔粿，再去茶樓睇夜景。
Day 3：輕鬆收尾，手信補貨再走
先去永康街漫步，在來好（Lai Hao）選好手信，輕鬆解決購物任務。餐食就在附近解決，鼎泰豐、老牌麵館、街邊小食好多選擇，可以一邊行、一邊睇，順便再飲杯咖啡，最後一日唔再趕行程！
對好多香港人嚟講，台灣好似一個「隨時可以逃走幾日」嘅地方。飛行時間短、語言相通、人情味濃，加上美食同自然景色之間切換得好快，三日兩夜已經足夠重新充電。
下次 Long Weekend 唔知去邊，不如再飛一次台灣。可能你最掛住嘅，唔係某間餐廳或者某個景點，而係喺台灣慢慢生活幾日嗰種舒服感。
